Владимир Седовқа Рио олимпиадасына бару үшін тағы бір мүмкіндік берілмек, деп хабарлайды Baq.kz тілшісі.
Седовқа тағы бір мүмкіндік беріледі – Алексей Ни
Бұл туралы ауыр атлетикадан Ұлттық құраманың бас бапкері Алексей Ни мәлімдеп отыр. Маусым айында Талдықорғанда өткен ел чемпионатында 94 келіге дейінгі салмақ дәрежесінде Седов өнер көрсетуден бас тартқан болатын.
«Седовке қатысты жағдай басқаша болып отыр. Біз оған өзін тексеріп көруге тағы бір мүмкіндік беріп отырмыз. Ол шешуші іріктеу турниріне қатысады. Бұл іріктеу басқа спортшылардан бөлек өтеді. Бұл сынақ 12 шілдеге жоспарланып отыр»
деді Алексей Ни.
Владимир Седов – 2009 жылғы әлем чемпионы, сондай-ақ, қола (2013) және күміс (2014) жүлдегері. Ол Лондон олимпиадасында 105 келіге дейінгі салмақта өнер көрсетіп, жүлдеге ілінбей қалған болатын.
Ал Талдықорғанда өткен Қазақстан чемпионатында зілтемірді көтермей, ресейлік ауыр атлет Александр Иванов бейнеленген футболкамен шығып, «Нағыз олимпиада чемпионы» осы деп, айғайға басты. Бұл әрекетінен кейін бапкерлер оның мүмкіндігі осымен шектеліп, олимпиадаға жіберілмейді деп мәлімдеген болатын.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз