Сақ болыңыздар! Тағы бір Жириновский шықты (фото)

3 ақпан 2017, 9:46

1 ақпанда Қазақстанның сыртқы істер министрінің бірінші орынбасары Мұхтар Тілеубердин мен оның ресейлік әріптесі Григорий Карасин телефон арқылы сөйлескені хабарланды. Қазақстан СІМ мәлімдемесі бойынша, қазақ-орыс қарым-қатынасы достастық және одақтастық келісім, екі ел арасындағы мемлекеттік шекаралар туралы келісім негізінде дамитынын атап өтті.

“Депутаттың (Шперовтың) мәлімдемесінде оның Қазақстанға территориялық талабы туралы да айтылды. Ресейлік тарап Қазақстанның СІМ мәлімдемесін дұрыс қабылдағанын айтты”, – делінген министрлік таратқан мәлімдемеде.

Ресейлік «Интерфакс» ақпарат агенттігі Мемлекеттік думаның халықаралық істер жөніндегі комитет басшысы Леонид Слуцкийдің мәлімдемесін таратты.

Слуцкий:

“Мәскеуде Қазақстан жерлерін Ресей бақылауына қайтару туралы мәселе ешқашан көтерілген емес”, – деген.