Атырау облысының тұрғыны өзінің кимешек киген (әйелдердің ұлттық бас киімі) қызын мектепке кіргізбей қойған мектеп директоры мен мектеп әкімшілігін сотқа берді.
Атырау облысы Құрманғазы аудандық сотында ер адам мектеп әкімшілігінің әрекетін заңсыз деп танытуды талап еткен. Шағымда ол қызының діни отбасында тәрбиеленетінін, кішкентайынан кимешек киетінін айтқан. Сотта белгілі болғандай, 2016 жылдың қыркүйегінде мектеп әкімшілігі міндетті мектеп формасын сақтап, қыздың кимешекпен сабаққа келуіне қарсылық білдіретінін ескерткен.
Бұдан соң ер адам қызын мектепке жібермей қойған. Бірақ наурыз айында қайтадан мектепке келгілері келетінін айтқан, бірақ сол күйі бармаған.
Қазақстанның ҚР Білім және ғылым министрілігінің бұйрығымен оқушылардың мектеп формасы діни элементтерсіз, барлық конфессия өкілдері үшін ортақ екендігі бекітілген. Сол себепті сот ата-аналардың министрлік бекіткен талапты орындау керектігін айтқан. Сондықтан оның шағымы қанағаттандырылмаған.