Ресейде Қазақстан азаматтарының құлдықта бар-жоғы тексерілетін болды
Ресей омбудсмен аппаратының қызметкерлері Қазақстан азаматтарының Мәскеуде құлдыққа тап болғандығы туралы хабардан соң қаланың уақытша қабылдау мекемелерін тексеретін болды.
Бұл туралы Қазақстандағы адам құқығы бойынша уәкілдіктің баспасөз қызметі хабарлады.
“Бұдан бөлек, 25 қаңтар күні РФ адам құқығы бойына Уәкілетті аппаратының бір топ қызметкері Мәскеудің әртүрлі сауда орындарында жұмысқа жегіліп, бостандығынан айырылған Қазақстан Республикасы азаматтарын анықтау мақсатында Мәскеу қаласы және облысы бойынша шетелдік азаматтарды уақытша қабылдау арнайы мекемелерін тексеріп шығатын болады”, — делінген ҚР омбудсмені сайтындағы хабарламада.
Еске сала кетелік, жақында Мәскеудің супермаркетінің жұмысына жегілген Қазақстан бойжеткені қашып келді. Оның төлқұжатын тартып алып, дүкенде суық жерде ұстап, жартылай аш ұстаған.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе