Ресей президенті Владимир Путин “Түрік ағысы” газ құбырының құрылысы туралы келісімді ратификациялады.
Ресей мен Түркия арасында кем дегенде 30 жылға жасалған келісім 1100 шақырымдық газ құбырын тартуды қарастырады. Оның кейбір бөлігі Қара теңіз қайраңы арқылы өтеді. Құбыр газды Ресейден Түркияға жеткізеді, көгілдір отын одан әрі Оңтүстік Еуропаға таратылады.
Ресей мен Түркия соңғы бірнеше айда экономикалық байланысын нығайтып келеді. Бұған қоса, Мәскеу мен Анкара соңғы бірнеше аптада Сириядағы “Ислам мемлекеті” экстремистік топтарымен күресті бірлесіп жүргізе бастады.