Президент туралы өлең жазған ақынды прокуратураға шақыртты
Бішкек тұрғыны Темірлан Ормуковты әлеуметтік желілерде өлеңін жариялағаны үшін Бас прокуратураға шақыртты. Бұл туралы ақынның өзі хабарлады.
Оның айтуынша, прокуратура қызметкерлері ақын өлеңдерінде аймақаралық араздық туғызатын, ел президентінің ар-ұжданына нұқсан келтіретін жолдар бар деп есептейді. Қылмыстық іс әзірге қозғалған жоқ.
“Тергеушілер менің өлеңдеріме филологиялық сараптама тағайындалғанын айтты. Сарапшылар үш нәрсені: өлеңде президенттің ар-ұжданына тию, жала жабу, ұлтаралық және аймақаралық араздық туғызуға қатысты жолдар бар-жоғын тексеріп береді”, – деді ол.
Құқыққорғау органдары әлеуметтік желілерде жарияланған өлеңдерге қатысты алғаш рет тергеу амалдарын жүргізіп отыр. Бас прокуратурадағылардың хабарлауынша, бұған қатысты мәліметтерді олар келесі аптада жариялайды.
Темірлан Ормуков “Фейсбукте” жарияланған “Ажонун ооруп жүрөгү” (Басшының жүрегі ауырып) деп аталатын өлеңінде қырғыз президенті Алмазбек Атамбаевты сынаған.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз