Полиция қызметкерлері баласын тастап кеткен әйелді тапты

Өзінің бір жастағы баласын әйел 17 маусым күні Қостанайдың  вокзалындағы  бала мен анаға арналған бөлмеге  тастап кеткен.  Сондай-ақ  полицейлер баланың жанынан жылы киімдер мен  тамақ ішуге арналған бөтелкесі бар пакетті тапқан.  Полиция қызметкерлері баланы Сәбилер үйіне жіберіп, оның суретін әлеуметтік желілерде таратқаннан кейін, баланың анасын білетін адамдар табылды. 10 күннен соң әйел Астанада ұсталды. Енді оған  баланы қауіпті жағдайға тастағаны үшін қылмыстық жауапкершілік тағайындалуы мүмкін. Ол 220 мың теңгеге дейін айыппұл төлеп немесе қоғамдық жұмыстар жасап, 45 сағатқа дейін бас бостандығынан айырылады.