Құралай Нұрқаділова ұлы Нұрзаманды әскерге қызмет етуге жіберді. Танымал сәнгердің пайымынша, нағыз азамат сарбаз болып, Отан қорғаудың не екенін жете түсінуі қажет.
Бұл туралы Stan.kz хабарлады.
Құралай Нұрқаділованың бір ұл, екі қызы бар. Сәнгер перзенттерін өз тегіне жаздырған. Сондай-ақ, ұлы Нұрзаманның есімін әкесі Заманбек Нұрқаділовке ұқсастырып қойған.
Әдетте әлеуметтік желідегі парақшалары арқылы жасаған жұмысын ғана көрсететін сәнгер отбасы туралы көп айта бермейтін. Ал бұл жолы балалары туралы сыр ашуға өзіндік себеп те бар. Сәнгер ұлы Нұрзаманды әскерге қызмет етуге жібергенін айтты. Айтуынша, Отан алдындағы парызды өтеу – Нұрзаманның өз қалауы.
“Бұл мерекені балаларыммен бірге өткіздім. Ұлым әскерден бір күнге сұранып шықты. Менің ұлым әскерде қызмет етемін деп шешті. Менің ойымша да, ер адам сарбаз болудың не екенін білуі керек”, – дейді сәнгер.