“Осы сендердің өз тілдерің бар ма?” деді

Венгрияға оқуға барғанына бір-ақ ай болған ұлыммен күн сайын сөйлесіп тұрамын..
Ұлым оқып жатқан қалада Қазақстандық жастар баршылық екен.

“Бірақ басымыз қосылмай жатыр. Солтүстік облыстардың қазақтары Ресейліктермен бірге жүреді. Бір жолы әңгіме арасында солардың бірі “Біз елімізде қазақ тілін мүлдем пайдаланбаймыз” деп қалды.

Шыдамай, орнымнан тұрып, “Сен өзіңе жауап бер. Оңтүстік пен батыс облыстарда орыс тілін мүлдем білмейтіндер жетерлік” – деп, қайтарып тастауға мәжбүр болдым.
Ал бірде Әзірбайжан жігіттері “Қазақтар! Осы сендердің өз тілдерің бар ма? Әр қайсың әр топта жүрсіңдер” – деп намысқа тиерлік сөз айтып қалды. Қайтарар уәж табылмады”

Өмір Шыныбекұлының facebook парақшасынан