Цирк әртісі Мұрат Мұтырғанов 2014 жылы орыс ұлтынан қыз алып, шаңырақ көтерген еді. Бүгінде олар 3 жасар ұлы Майклды тәрбиелеп отыр.
Бұл туралы Stan.kz хабарлады.
Мұтырғановтың сөзінше, әйелі орыс ұлтынан болғанымен, қазақылығы басым көрінеді.
«Мен – қазақпын. Ал әйелім Әсел – орыс ұлтынан. Алайда оның қазақылығы менен басым сияқты. Ол салт-дәстүрді біледі, қазақ тілін де менен жақсы меңгерген. Сонымен қатар етті дәмді етіп әзірлейді», – дейді Мұрат Мұтырғанов.
Артистің сөзінше, ол ұлының есімін әйгілі әнші Майкл Джексонның құрметіне қойған.
https://kaz.365info.kz/azhyrastym-dejdi-ilya-ilin-arakh-iship-ketipti-326468
«Ұлым 3 жаста. Оның есімін Майкл Джексонның құрметіне қойдым. Мен оның фанатымын. Ұлымның әкем салып берген жолдан таймағанын, циркті жақсы көріп, артист болғанын қалаймын», – дейді ол.
Өз сөзінде Мұтырғанов екінші перзенті дүниеге келгенде, оған да танымал тұлғаның есімін бергісі келетінін жасырмады.
https://kaz.365info.kz/maskhara-nyrkhadilovtyn-nemeresi-ozinin-lesbi-ekenin-malimdedi-foto-326458
«Екінші балам ұл болса, есімін Чарли Чаплиннің құрметіне қойғым келеді», – дейді Мұрат Мұтырғанов.
Сондай-ақ, Мұтырғанов балалармен көп уақыт өткізуге кеңес берді.
«Әр ата-ананың өз мақсаты бар. Бірі баласының музыкант болғанын, бірі дәрігер болғанын қалайды. Ғаламшардағы барлық бала – дарынды. Бастысы – оған қысым жасамай, дарынын анықтап, байқай алу. Баламен уақытты бірге өткізіп, сөйлесу керек», – дейді артист.
https://kaz.365info.kz/zhasyryp-edim-toregali-otbasyn-el-aldyna-shygara-bastady-326350