“Обал-ай”. Қостанайда үш әйелді құтқармақ болған ер адам бала-шағасының көзінше суға батып кетті
Қостанайда үш әйелді құтқармақ болған ер адам өзі суға батып кетті, деп хабарлайды Sputnik Қазақстан агенттігі.
Оқиға куәгерлерінің айтуынша, Гагарин бөгетінде үш әйел суретке түсіп жатады. Олардың жанына келген құтқарушылар бөгеттің үстінде суретке түсудің қаупін ескерткен. Құтқарушылар кеткеннен кейін әйелдер суға кіреді, кенет олар бата бастайды.
Осы жерде отбасымен демалып жатқан ер адам көмекке ұмтылады.
Байбаламға салған әйелдер үстіне шығып, оны батыра бастайды. Әлсізденіп қалған ер адам әйелдерді құтқарып үлгереді, бірақ өзі судан шыға алмаған.
Ол әйелі мен баласының көзінше мерт болды.
Гагарин бөгетінде өткен аптада құтқарушылар төрт адамды судан алып шыққан еді.
Серіктестер жаңалықтары
© «365 Info», 2014–2023 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз