Нұр-Сұлтан
Қазір
31
Ертең
16
USD
419
0.00
EUR
495
0.00
RUB
5.68
0.00

Мыңға жуық аш қалған маймыл Тайландтың бір қаласын басып алды

160

70 мың халқы бар қалада алты мыңға жуық маймыл өмір сүреді, олар өзара екі қарсылас топқа  бөлінеді. Бұрындары олардың бірі ғибадатханада жүрсе, екіншілері қала ішін мекен ететін. Жейтін тамақ азайған уақытта, шіркеудегі маймылдар  Лопбуриге келіп, қалалық маймылдармен төбелесе бастады.

Жергілікті тұрғындар оларды сәл де болса тыныштандыру үшін маймылдарға тәттілер мен тамақ бере бастады. Ал бұл керісінше жануарлардың  көбеюіне және адамдарға жиі шабуыл жасауына әкелді.

«Олар көп тамақтанған сайын соғұрлым  энергиясы артып… көбейе бастайды», — дейді Пранг храмының қараушысы Йод.

Мамандар жүздеген маймылды ұстап, олардың санын бақылау үшін ұрықсыздандыруда. Бірақ маймылдар өте көп.

Қала билігі маймылдарға арналған резервация құрылысының ұзақ мерзімді жоспарын әзірледі. Рас, тұрғындар тарапынан қарсылық білдіруішілер болуы мүмкін.

«Алдымен осы ауданда тұратын адамдарға сауалнама жүргізу керек. Бұл олардың үйінің алдында қоқыс төгіп, ризасыздар ма, жоқ па деп сұраумен бірдей, — деді жабайы табиғат бөлімінің өкілі.

Дегенмен, кейбір адамдар жағдайға буддистік сабырмен қарауда. Мысалы, Лопбуридегі дүкендердің бірінің иесі  мүлкі мен тауарын қорғап қалу үшін күн сайын маймылдармен айқасатынына қарамастан, оларды сағынатынын айтты.

«Мен күнделікті көшеден олардың ары-бері жүргенін, ойнағанын көріп үйреніп қалдым, оларсыз жалғызсырып қалатындаймын», —дейді ол.

Жағдайды өз көзімен көрген куәгерлер түсірген видеодан олардың көшедегі адамдарға тиіскенін, тіпті жол шетінде тұрған баланың маскасын тартып алып, автокөліктерден су ұрлағанын және дүкенге кіру үшін соғысуға дейін барғанын көруге болады.

Серіктестер жаңалықтары
Көп қаралған
© «365 Info», 2014–2020 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз