“Мен сендерге Обама емеспін!”. Трамп Иранның “жағасынан” алды
АҚШ Иранға санкция салды. Бұл туралы мәлімет АҚШ Қаржы министрлігінің сайтында орналасқан ақпаратта айтылады.
Салынған санкция тізіміне Иранның 13 азаматы пен 12 ұйымы ілінген.
Санкция тырнағына ілінгендер ішінде Ираннан бөлек, Қытайдың, Ливияның, Біріккен Араб әмірліктерінің де компаниялары бар.
Жаңа санкция түрінің қолданылу себебі Иранның зымыранға қатысты жаңа бағдарламасына және аймақтағы тұрақсыздықты өршіту әрекетіне қатысты қолға алынған деп түсіндіріледі.
Санкцияға ұшыраған компаниялардың басым бөлігі Иранның зымыран бағдарламасын дамытуға қажетті технологияларды тасымалдаушылар болып табылады екен. Ал заңды және жеке тұлғаларға халықаралық құқықпен тыйым салынған «Хезболла» әсіре қозғалысын қолдағаны үшін санкция салыныпты.
АҚШ президенті Дональд Трамп бұл санкцияның жарияланар алдында 3-ақпанда:
«Иран отпен ойнап отыр, олар Обаманың жұмсақ мінезін бағаламады. Ал мен ондай емеспін!»
— деп жазды АҚШ президенті Twitter-дегі жеке парақшасында.
Серіктестер жаңалықтары
© «365 Info», 2014–2023 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз