Барак Обама мен Ангела Меркель еркін сауда туралы трансатлантикалық келісім төңірегіндегі келіссөздердің жалғасуын маңызды оқиға ретінде сипаттады.
Көп ұзамай АҚШ президенті қызметінен босайтын Обамамен бірге Берлинде баспасөз мәслихатын берген Германия канцлері Меркельдің хабарлауынша, немістер Құрама Штаттардың жаңадан сайланған президенті Дональд Трамппен сәтті әріптестік орнату үшін бар күшін салады. Трамп Еуропалық одақпен сауда-экономикалық байланыстарды нығайту идеясын қолдамайтыны белгілі.
Меркельмен кездесу қарсаңында Обама әлемде ультраоңшыл популизм дендей бастағанын айтты.
Жұма күні Берлинде Обама Германия, Ұлыбритания, Франция, Италия және Испания елдерінің басшыларымен бірге әлемдегі өзекті проблемаларды талқылайды. Соның ішінде Ресейге қарсы санкцияларды созу мәселесі де бар.