Мемлекеттік орган басшыларына қызметтік баспана тұрғызады
2017-2018 жылдары Өзбекстанда әкімдік және мемлекеттік органдардың аймақтық бөлім басшыларына қызметтік баспана тұрғызылады. Осындай қаулыға өзбек президенті Шавкат Мирзиёев 22 желтоқсанда қол қойды. Құжат әлі ресми түрде жарияланған жоқ.
Құжат бойынша, мемлекеттік қызметкерлердің баспанасы арнайы жоба бойынша салынады.
Алдын ала есептеулер бойынша, барлығы 1682 тұрғын үй салынады. Жоба құны – 312 млрд 400 млн сом.
Атқарушы билік органдары басшыларының қызметтік үйлері жергілікті бюджет есебінен, ал Ұлттық қауіпсіздік қызметінің аймақтық бөлімшелер басшыларына – республикалық бюджеттен, ІІМ, Салық инспекциясы, Кеден комитеті және Бас прокуратураның аймақтық бөлімше басшыларының баспаналары – мекемелердің бюджеттен тыс жеке қаражаты есебінен қаржыландырылады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе