“Мектептерде сабақ 15-мамырда тәмамдалады” деген дақпыртқа қатысты түсініктеме берілді
Астанада оқу жылының қысқартылуы туралы ақпарат шындыққа жанаспайды.
Бұл туралы Астана қаласы білім басқармасының баспасөз хатшысы Ботагөз Омар мәлім етті деп хабарлады Қазақстан Жаңалықтары.
Бұдан бұрын бірқатар БАҚ пен әлеуметтік желілерде 2016-2017 оқу жылының параметрлері өзгергендігі туралы хабар тараған болатын. Соған сәйкес елордада ЭКСПО-2017 көрмесі өткізілуіне байланысты мектеп сабақтары 1-қыркүйек пен 15-мамыр аралығында болады делінген еді.
“Әлеуметтік желіде тарап кеткен мәлімет шындыққа жанаспайды: оқу жылы қысқартылмайды, Астана қаласы бойынша да өзгертілмейді”, — деп жазды Ботагөз Омар әлеуметтік желідегі парақшасында.
Ол өз сөздеріне дәйек ретінде ҚР білім және ғылым министрі міндетін атқарушы Эльмира Суханбердиеваның бұйрығының мәтінін келтірген. Бұл бұйрық бойынша оқу жылы 1-қыркүйектен басталып, мектепалды даярлық сыныптарына – 32 аптаға, бірінші сынып үшін – 33 аптаға, 2-11 сынып оқушылары үшін 34 аптаға созылады.
Серіктестер жаңалықтары
© «365 Info», 2014–2024 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз