Нұр-Сұлтан
Қазір
5
Ертең
-2
USD
449
-1.43
EUR
484
-3.48
RUB
4.86
0.00

Масқара! Алматыдағы «Алғабас-6» ықшамауданында тағы екі үй қисайып қалды

Бұл туралы КТК хабарлады.

Атышулы Алғабастағы апатты үйлердің саны тағы да арта түсуі мүмкін. Өйткені мұндағы жұрт 156 және 158-ші үйлердің де қабырғасы қисайды деп дабыл қағуда. Яғни бір-біріне жапсарлас салынған тоғыз қабатты қос үйдің үстіңгі қабаттары ауытқи бастапты. Мемлекеттік бағдарламамен салынған баспаналардың бір жағына қарай жантайып тұрғанын тұрғындар бір апта бұрын байқаған екен.

Күлшария Еламанова, Алматы қаласының тұрғыны:

-15-16 жыл кезекте тұрып бір күні астына түсіп кетеміз бе әлде құлап қала ма, бала-шаға арам өле ме деп қорқамыз. Күнімен-түнімен қорқамыз.

Бойын қорқыныш билеген жұрт үйлерінің апатты жағдайда тұрғанын айтып атқамінерлерге шағымданған. Алайда оған ешкім құлақ аспады дейді ашынғандар. Тіпті төтенше жағдай қызметкерлері де «қорыққанға қос көрінеді» деп телефон тұтқасын тастай салатын көрінеді. Сондықтан жиналғандар жауапты мамандардан үйдің қаншалықты қауіпті-қауіпсіз екенін тексеріп, нақты қорытынды шығарып берулерін талап етіп отыр.

Ақмарал Әмірова, Алматы қаласының тұрғыны

-Екі күн бұрын артқы жақта комиссия жүр дегесін бардық. Акиматтан бір кісі болған соған жолығып жағдайды айттық. Жанымыздағы үйдің қисайғанын айттық, нөмірін көрсеттік. Ол кісі айтты қазір жарты сағаттан келеміз, көреміз өзім визуально қарап ертең специалисть жібереміз деген. Одан бері үш күн өтті.

Осылайша халықты алдаған шенеуніктер ешкімге ұстатар емес. Тіпті тілшілерге де тұщымды жауап беруден жалтаруда. Ал Алғабастағы апатты үйлерге қатысты өткізген жиындары жабық есік жағдайында өтеді екен.

Атқамінерлердің халықтан қашатындай да жөні бар. Себебі, Алғабастағы апатты үйлердің саны күн санап көбейіп келеді. Яғни сенімді ақпарат көздерінің айтуынша қазір бұл кешендегі тоғыз қабатты 11 үйдің қабырғасы қисайған көрінеді. Сондықтан ең қауіпті деген үш нысанның айналасы қоршалып, қазір іргетасы нығайтылуда.

24759

Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз