Қоғам қайраткері Мұрат Әбенов тіркеуде тұрмаған азаматтарға айыппұл салу туралы жаңа талапқа наразылық білдірді.
Ол мыңдаған адамның Астанада пəтерде тіркеусіз тұратынын, олардың арасында мемлекеттік қызметкерлер де көп екенін айтты.
«Енді қалай? Тіркелсе, төлем қымбаттайды. Себебі салық көбейеді. Пəтер иесі өз қалтасынан оны төлемейді. Салмақ жалдаған азаматқа түседі. Оған жұмысында ақша қоса ма? Тіркелмей тұрса – заң бұзғаны. Ол кезде қызметтік этикаға қарама-қайшылық үшін қызметтен шығара ма? Онда жұмыста кім қалады? Осыны ойлағандар бар ма?», – деп жазды ол Facebook-тегі парақшасында.
«Автокреслоға қатысты талаптар да кейінге қалдырылды ғой», – дейді ол.
Бүған дейін тіркеуге тұрмаған азаматтарға 7-қаңтардан бастап айыппұл салынатынын хабарланған болатын.
Мұрат Әбенов Жер дауына қатысты құрылған ұлттық комиссия жұмысы кезінде құрылған 4-топтың бірін басқарған қоғам қайраткері екенін баса айта кетелік. Ол үш мәрте „Жылдың халық қалаулысы„ атты марапатты иемденген, екі рет Мәжіліс депутаты болған. Қазір „Атамекен„ ұлттық кәсіпкерлер палатасында жұмыс істейді; Шаханда қираған үйдің зардап шеккен азаматтарына көмек жинап жатқан қоғам белсенділерінің бірі.