Белоруссияның көсемі, әйгілі Лукашенконың кіші ұлы Николай Лукашенко қазір 12-ақ жаста. Бірақ өзінің болашағы туралы әлден-ақ ойланып жүр екен.
Белоруссиядағы «Бірінші арнаға» сұхбат берген бала былай депті:
«Шынымды айтсам, онша қатты президент болғым келмейді. Қазір дәрігер болсам ба, әлде әскери қызметкер болсам ба деген ойда жүрмін», депті.
Бұл бала Владимир Путинмен, Виктор Ющенко, Дмитрий Медведев түгілі Барак Обаманың өзімен де кездесіп үлгерген.
Әр жылдары ТМД саммиті, БҰҰ Бас Ассамблеясының трибунасынан бой көрсетіп, Пекин мен Сочидегі олимпиадаларда да болған.