Мен ауылдан шыққан қызбын. Алматыда оқу бітіріп, ауылыма қайтып келдім. Оқу бітіргенше ешбір жігітпен жүрмей, арымды сақтадым.
23 жасымда ғана бір жігітпен қол ұстасып, алғаш рет сүйіспеншіліктің не екенін сезіндім. Жарты жылдай жүріп оған тұрмысқа шықтым. Мектепке мұғалім болып орналасып, тұрмыс кешіп жатырмыз. Міне, тұрмысқа шыққаныма 3 жыл болды, бір баламыз бар. Күйеуіммен ара-қатынасымыз жаман емес, бірақ, соңғы кездері менде бір салқындық бар.
Күйеуімнің жыныстық қатынастағы күнделікті жаттанды әрекеттерінен, төсектегі салқындығынан жалықтым.
Себебі, мен осы уақытқа дейін төсек қатынасынан мүлдем ләззәт ала алмай келемін. Басында күйеуіммен алғаш болып, пәктігімнен айрылған соң осылай болу керек шығар деп ойлайтынмын. Бірақ кейіннен, жұмыста қыздармен, құрбыларыммен әңгімелескенде жыныстық қатынас туралы сөз қозғалғанда өзім бір түрлі боламын. Себебі,
күйеуіммен жақындасқанда ешқандай рахаттану, ләззәт алу дегенді сезінбеймін.
Басында өзімді кінәлі сезініп, ыңғайсызданып, және ол өзге әйелдерге барып қоя ма деп қорқып, ләззәт алғандай кейіп танытып, өтірік аһілеп-үһілеп жататынмын.
бірден іске кірісіп, өз қалауын жасап, ұйықтап қалады. Менің қалауымды мүлдем ескермейді.
Төсек қатынасы күнделікті бір қалыпта қайталана береді. Күйеуіме айтайын десем, ұяламын. Ашып айтайын десем, дұрыс түсінбей қала ма деп қорқам.
Ләззәт алу үшін бірге эротикалық кино көрейік дедім бір күні.
– “Не болды саған? Бұзылайын дедің бе? Басымды ауыртпашы!”, – деп ұрсып тастады.
Жай қатынастан рахаттана алмаймын деп айттым тағы бір күні.
– “Сен ауру шығарсың онда. Сенің оргазм ала алмағаныңа менің қатысым не, мен кінәлі емеспін”, – деп шорт кесті.
Енді ләззәт ала алмаған соң онымен жатқым да келмейді. Бұл түйткілді санасына жеткізе айтып, түсіндіруден қорқамын.
Не істесем болады? Күйеуім мені түсінгісі келмейді. Қалай ләззат алсам екен?
Аяжан Төрехан