Отбасы ұғымы қай мемлекетте болмасын қастерлі. Бірақ, Қазақстанда отбасын құрғандардан бұзғандар саны басым. Неліктен?
“Мазасын өзім алам” деп мойындайды қазақстандық келіншек. Басында, әдеттегідей үлгілі отбасы, бақытты өмір, баланың айқай-шуы. Бірақ, еркек басқа қызға көз салыпты. Мұнысын көтере алмаған оқиға кейіпкері төркініне кетсе де, күйеуі тіптен баласының хал-жағдайын сұрамақ емес. Қазақстандық келіншек бастан өткен қиыншылығын Инстаграм желісіндегі “Үшбухат” парақшасында бөлісті.
Жұбайым екеуміз студенттік кезде, университет қабырғасында танысқанбыз. Әне-міне дегенше хат алысып, көңіліміз жарасып кетті. Ол мейірімді, көңілі ашық, маған жақсы қарайтын. Содан, университет бітіре салысымен, отау құрдық. Сонымен, екеуіміздің отау құрғанымызға 10 жыл да болып қалған. Осы 10 жыл ішінде талай дүниелерді бастан кешірдік. Туысқандардың өзіне бөлек тақырып арнап, талай опасыз дүниелерін ақтарып айтсам жетерлік. Бірақ, әзірге олардан бұрын күйеуім екеуіміз туралы айтып өтейін.
10 жылдық бірлескен отауымыздан кейін, мен оның өзгергенін байқай бастадым. Басында, несі бар, отбасы болғаннан соң ыдыс-аяқ сылдырламай тұрмайды деп көне беруші едім, бірақ ол тым артық кетті.Ол мені таяқтап, боғауыз сөздер айтып, басқа қыздарға барып жүрді. Мен оны қатты жақсы көргендіктен, кешірдім.
Ол жоқ болса, қалай өмір сүретінімді де білмеймін.
Өмірім бос әурешілік болып көрінеді. Былтыр менің құрбыма “Жаным, кездесейік” деп жазған смс-хатын оқып қалдым. Содан бастап өміріміз өзгеріп кетті. Күнде айқай-шу болып, мен оны қуып жібердім. Менің құрбыма көз салып жүргені жаныма қатты батты. Ол қызбен де сөйлестім.
“Күйеуің өзі қоңырау шалып, қайта-қайта жаза береді”,
дейді. Араға бір ай салып күйеуімді өзім шақырып алдым. Бірақ, бәрібір арамыз дұрысталмады.
Сәл кешіксе болды, менің құрбымның қасында шығар деп, мазасын аламын. Ақыры таяқ жеп тынамын. Былтыр күйеуім сотқа бірінші өтініш білдіріп, заң жүзінде ажырастық. Шыдамай қайта қосылдық. Күнде ұрсыса берген соң, баламды алып төркініме кетіп қалдым. Күйеуімнің жолымды бөгемек болғанына қарамастан кетіп қалдым. Содан бері әлі хабарласпады,баласын да іздемеді.
ит қылады ма деп қорқамын.
Маған ақыл айтыңыздаршы. Мұндай жағдайда не істесем болады, – дейді келіншек.
Бәтес Ерболат