Ділназ Ахмадиева отандық телеарнаның біріне берген сұқбатында ағынынан жарылыпты. Сөйтіп 5 жыл бірге тұрған күйеуімен қалай ажырасқанын, отбасылы адамды қалай сүйіп қалғанын айта салды.
Бұл туралы әнші Gakku телеарнасындағы Тимур Балымбетов жүргізетін «Если честно» бағдарламасында қонақта болғанда айтты.
«Бес жыл бірге тұрдық, одан соң екі жаққа кеттік. Бәрі тез бітті. Ұмытуыма да оны көп уақыт кеткен жоқ. Дегенмен өзім қатты қорқып едім. Қайғырып жүріп қалам ба дегем. Бірақ достарым мен туысқандарым, жұмысым бәрін ұмытуға жақсы көмектесті. Одан соң туған қалама оралуым да белгілі бір деңгейде рөл атқарды. Шынын айтсам, Астанаға сіңісе алмадым. Ал Алматы – менің қалам. Өз үйім секілді, мұнда бәрі маған жақын, жақсы көрінеді», — дейді күйеуімен қалай ажырасқанын айтқан Ділназ Ахмадиева.
https://kaz.365info.kz/akhsh-sahnasynda-ogash-khylykh-korsetken-dilnaz-ahmadieva-zhyrttan-sogis-estidi-video-290160
«Иә, онымен бірге бола алмаймын. Өйткені оның басы бос емес. Өз үйі, отбасы бар. Тіпті, ол арақатынасымыз басталмай жатып, бірден тынды. Шынымен де менде сезім болды.
Жалпы, мен табиғатымнан тез ғашық боп қалатын адаммын. Бірақ ол менің жеңілтектігімді білдірмейді. Бірақ адамдар оны әртүрлі қып айтады ғой, кім не десе о десін.
Өз басым, оны жаман нәрсе деп ойламаймын. Жүрекке бұйрық жүрмейді емес пе?..
https://kaz.365info.kz/anshi-dilnaz-ahmadieva-amerikalykh-aktermen-konil-khosyp-zhyrgeni-ras-pa-foto-video-277529
Мен үнемі нені қалаймын, соны жасаймын. Шынымды айтамын, біреуді алдап қайтемін. Бірақ бұл жолы ақылға жеңдірдім. Оған күшім жетті. Сөйтіп ол адамды жібердім, өзін де, сезімін де. Өйткені менің өмірлік қағидатым сондай. Менікі деген нәрсе тек менікі болуы керек. Ал бөтендікі маған керек емес. Өз-өзіңді құрбандыққа шалудың қажеті жоқ.
Қыздарға тоқалдыққа көнбеңдер дер едім. Жалғыз сүйіктісі болғанға не жетсін?.. Оның үстіне біреудің отбасын бұзғаннан қайыр бар ма?
Бәрібір арты жақсы болмайды», – дейді ол.