Әлеуметтік желіде “Б.Байбек” атындағы көшенің суреті жұрттың қызу талқысына түсуде. Алматы әкімінің құрметіне қай өңір көше атауын бергені көпшіліктің қызығушылығын тудырды.
Фото Instagram желісінің парақшасында жарияланған. Алматылықтардың дені “Бауыржан Байбектің атындағы көше атауымен тұрған үйдің” суретін көрсе салысымен, оның шынайы екеніне күмән келтірді.
“Ол жерде керемет бордюрлер мен 500 теңгеге тойдырып тамақ беретін мейрамханалар бар шығар”, – деп әзілдеді суретті көрген желі қолданушылары.
Алайда бұл көше Алматы әкімінің құрметіне емес, Байырбекұлы Байбектің құрметіне қойылған екен.
“Біздің ауылда Байбек Байырбекұлы деген кісі болды. Тегі Қалыбеков еді. Кеңестік кезеңде ол колхоз бастығы болатын. Кейін әкім орынбасары атанды.
Шамамен он жыл бұрын қайтыс болғаннан кейін көшені соның құрметіне атады”, – дейді Қазығұрт ауданы әкімінің баспасөз хатшысы.
Дерек көз:Nur.kz