Қазақстанның бірнеше өңірінде дауылды ескерту жарияланды
Бүгін Қазақстанның бірнеше өңірінде, соның ішінде Астана мен Ақмола, Қостанай, Атырау облыстарында дауылды ескерту жарияланды.
Бұл туралы РМК «Қазгидромет» хабарлады.
6 тамызда Ақмола облысының кей жерлерінде найзағай ойнап, дауыл соғып, бұршақ жауады деп күтілуде. Күндіз кей жерлерде оңтүстік-батыстан соққан жел, солтүстік-батысқа ауысады. Желдің ырғағы 15-20 м/с дейін күшейеді. Түнде және таңертең кей жерлерде тұман күтіледі.
Сонымен бірге, Көкшетауда да бүгін күндіз найзағай күтіледі.
Қолайсыз ауа-райы Қостанай облысында да болады. Кей жерлерде найзағай соғып, солтүстік-батыстан соғатын желдің екпіні найзағай кезінде15-20 м/с болады деп күтіледі.
Сондай-ақ, Атырау облысының кей жерлерінде күндіз найзағай, дауыл болады деген болжам жасалуда. Солтүстік-шығыстан соққан жел оңтүстік-шығысқа ауысып, 15-20 м/с дейін күшейеді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе