Қазақстандағы эпидемиологиялық жағдай тұрақталып келеді — Мамин

ҚР-да  COVID-19-дан емделіп шыққандардың саны 63%-дан асты. Жұқтырудың тәуліктік өсімі 4%-дан 1,7%-ға дейін төмендеді, стационарлардағы орындардың жүктелуі 46%-ға дейін, жедел жәрдем шақыртуының саны 38%-ға қысқарды. Өңірлерде дәрілік заттардың жеткілікті қоры құрылды.

Денсаулық сақтау министрлігі 3 тамыздан бастап карантиндік шектеулерді жеңілдетуді ұсынды

— Эпидемиологиялық жағдайдың ағымдағы көрсеткіштерін жақсартуымыз қажет. Бүгін Денсаулық сақтау министрлігі карантиндік шараларды кезең-кезеңмен жеңілдету жоспарын ұсынды. Осы айдың ішінде қалыптасқан динамиканы ескере отырып, біз аталған жоспарды мемлекеттік комиссия отырысында қарастырамыз және тиісті шешімдер қабылдаймыз, —деп мәлімдеді ҚР премьер-министрі Асқар Мамин.