Қазақстан көкпардан Көшпенділер ойынының алтын жүлдесіне ие болды

Алғашқы таймда 1:3 есебімен Қырғызстан құрамасы жеңімпаз атанды.

Екінші таймда есеп теңесіп, 4:4 есебімен аяқталды. Үзілстен кейін «алтын салым» салуға 10 минут уақыт беріліп, шешуші салымды қазақстандық көкпаршы салды. Тартысқа толы бәсеке 5:4 есебімен аяқталып, қазақстандық көкпаршылар Дүниежүзілік көшпенділер ойындарының алтын жүлдесіне ие болды. Осы тұста қырғыз жанкүйерлері нәтижемен келіспейтіндерін айтты. Бұл туралы ақпарат әлеуметтік желілерде тарады.

«Жеңіс емес, масқара болдыңдар. Жеңісті спортшылар емес, төрешілер алып берді», «Қазақтарда намыс жоқ екен, масқара», «Төреші мүлде қарамады, масқара. Бұл жеңіс емес», «Бұдан былай көкпар ойнамаңдар, масқара», «Қырғыздарға мұндай жеңіс керек емес. Қазақтар егер, еркекпіз, қазақпыз десе бұлай жасамайтын еді», «Төрешіге шапан жауып, көлік мінгізіп қойған ғой», «Тіпті ұялғаннан видеоны өшіріп тастапты», «Біздің де күніміз туар», – деп жазып жатқанын байқауға болады.

Желіде осы оқиғаға қатысты бір қырғыз сарапшысының пікірі тарап жатыр. Айтуынша, қазақтар жеңісті күшпен тартып алды.