“Қалаулым” бағдарламасының өтірігі шықты. Аша Матай енді не істер екен? (видео)
Теледидарда көңілді немесе “көрермен жеңіл қабылдайтын” бағдарламалар қарасы көбеюде.
Алайда, бағдарламаның сценарий арқылы жүргізілетінін білгенде бағдарлама өз көрермендерін жоғалтып алып жататын кездері де аз емес. Кейде жалданған актерлер де сомдап жататыны жасырын емес. Шындық.
Осы жылда ең көп талқыға түскен шоу бағдарламаның ара-жігін ажыратсақ. “Еуразия” бірінші арнасында “Қалаулым” бағдарламасы жүргізіле бастаған сәттен бұл бағдарламаға ел арасында қарсылықтар да, жағымсыз пікірлер де өрбіп кетті. Алайда, мұнысына қарамастан, тұрақты көрермендерін жинап алған бағдарлама көрсетілімін жалғастырып келеді.
Қандай БАҚ құралдарын қарамасаң да, “Қалаулымның” бітпейтін ұрыс-керістері немесе шатақ Замираның аузынан ақ ит кіріп, көк ит шығып жататын түрлі видеолары тарап жүр. Мұны бағдарламаның тегін “пиары” ретінде қабылдасақ, сонда қатысушылары қатып қалған сценариймен жүретін жалданған актерлер ме? Көптің көкейінде жүрген дәл осы сұрақ.
Бағдарлама жүргізушісі Аша Матай бұл сұраққа 3 сағаттық түсірілімде бірнеше рет жауап береді.
“Қалаулым” жобасы- өмірдегідей шынайы”, “Көрермендерден ештене жасырмауымыз керек”, тағысын тағылар. Сөзінен жаңылыспайды тағы.
Бағдарлама авторлары мен қатысушыларды ел арасындағы “өсекті” өтірікке баласа, кейбірі тілінен сүрініп қап жатады. Мәселен, мына видео соңғы түсірілген бағдарламаның бірі. Мұнда Аша Матайдың масқарасы шықты.Өйткені жоба басталғалы елді сендіруге тырысқан оның өтірігі шығып қалды. Иә, тұрақты қатысушы жігіт:
“Маған осылай айт деп талап етті ғой”,- дейді.Түсінікті ғой, кімнің айт дегені. Бәрі сценарий бойынша.
Әйтеуір төбелесу керек, сахна қою қажет. Бір қызығы, бұл жолы даукес Замира аузына құм құйып алғандай үнсіз, төбелеске де зауқы жоқ. Соған қарағанда оған: “Бүгін сенің кезегің емес” деген секілді.
https://kaz.365info.kz/atakhty-zamira-tok-shouda-tagy-tobeles-shygardy-18-282312
Бәрін қойшы, осындай арзан дүниеге түсте 3 сағат, кешке тағы жалғасатын бұл жобаға бөлінген қайран уақыт пен ақшаны айтсаңызшы? Қазақша бағдарламаны осындай сорақы қалыпта ұзағынан беретін сонда бұл телеарнаның не ойлағаны бар дейсіз? Әрине, жаны ашымастық қой. Осыдан кейін оларды қалай сыйлайсың? Әріптестерің ғой, арасында бізге де тиіп кетеді, еріксіз айтуға тура келеді…
Ал мынау сорақылығын жария еткен видео, тамашалай отырыңыздар…
Тақырып VK-дағы «Атамның басы-ай» тобында қызу талқылануда
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз