Өзбекстанның алғашқы президенті Ислам Кәрімов және мемлекет басшылығына жаңадан сайланған Шавкат Мирзиёев 2016 жылдың халықаралық өміріндегі 40 тұлғаның тізіміне енді. Тізімді Барселона Халықаралық қатынастар орталығы (CIDOB) жариялады.
Жыл сайын әзірленетін мұндай тізімге ерекше есте қалған саясат және қоғам қайраткерлері, үкіметтік емес ұйымдар кіреді.
CIDOB сарапшылары Өзбекстан премьер-министрі Шавкат Мирзиёевтің президенттік сайлауда шамамен 90 пайыз дауыс жинап, жеңіске сенімді түрде жеткенін атап өтті. Мирзиёев басқарған уақытта Өзбекстанның сыртқы саясатынан көптеген жаңа үрдістер күтуге болады, деп есептейді испан мамандары.
Бұл тізімде былтыр дүниеден озған кубалық басшы Фидель Кастро, сондай-ақ АҚШ-тың жаңадан сайланған президенті Дональд Трамп бар.