Ішкі істер министрлігінің басшылары мәнерлеп сырғанаушы Денис Теннің өліміне қатысты тергеудің қалай жүріп жатқанын баяндап берді. Олардың айтуынша, әйгілі спортшыны өлтірді деген күдікпен ұсталған Арман Құдайбергенов пен Нұралы Қиясов екі түрлі сөйлеп, тергеушілерді әбден шатастырып жатыр екен.
Бұл туралы КТК арнасы хабарлайды.
https://kaz.365info.kz/aldyna-kep-kylip-otyr-denisti-oltirgen-kydikti-tergeu-barysynda-ozin-bylaj-ystapty-video-324918
“Арман Құдайбергеновтің Астанада ұсталғаны рас. Сол кезде оған қатысты тергеу жедел процедура бойынша яғни, 15 күн ішінде жүреді деп шешілген. Ал, тергеудің мұндай түрінде, күдіктінің жүріп-тұруына ешқандай шектеу қойылмайды.
Яғни, оның Алматыда жүргені заңсыздық болып саналмайды”, деді вице-министр.
Бірақ вице-министрдің бұл сөзіне күмән келтірушілер көп. Әсіресе, заңгерлер. Айтуларынша, заң бойынша кез-келген жағдайда күдіктіні Астанада қамауға болар еді дейді. Оның үстіне Арман Құдайбергеновтің сол жолы көлік айнасын ұрлауы бірінші рет емес. Екінші күдікті де осыған дейін машинаның аккумуляторы мен магнитофонын үптеп кеткені үшін ұсталыпты. Әрі Денис Тенге пышақ сұққан осы Нұралы Қиясов екен. Мұны жамбылдық күдіктінің өзі мойындаған. Бірақ, танымал спортшыны нақты кімнің ажал құштырғаны сараптамадан кейін белгілі болады.
“Қиясов кінәні өзіне алу үшін «пышақты сұққан мен» деп өтірік айта салуы мүмкін. Сондықтан мұны заңды түрде анықтауымыз керек. Суық қару кімнің қолында болғаны сараптамадан соң белгілі болады. Әрі екеуі екі түрлі түсініктеме беріп жатыр”, деді Жақыпов.
https://kaz.365info.kz/mojyndatyp-otyr-kydiktinin-ata-anasy-denistin-tugandaryna-video-zholdady-video-324758
Екеуі тергеушілерге екі түрлі сөйлегенімен, Денистің көлігінен алған айнаны кімге сатпақ болғандарын бірден айтып беріпті. Сондықтан қара базарда автокөлік бөлшектерін алушыларды полиция ұстап, ұрлыққа қаншалықты қатысы барын анықтап жатыр. Әрі алматылық полицейлердің де істі болуы ғажап емес. Өйткені, мұнда өткен жылы 45 мың көлік тоналып, соның небары 4 мыңы ғана ашылған. Сондықтан қоғам белсенділері тәртіп сақшыларының баукеспелермен бірге жұмыс істеп, қылмысына көз жұма қарайтындарын айтқан болатын.
“Біздің қызметкерлер автомобильдердің бөлшектерін ұрлап жүрген адамдарды қорғап жүр дегенді оқып шыққанбыз. Сөз жоқ қазір тексеру жүргізіп жатырмыз. Ондай фактіні дәлелдесек, мен сізге айтайын ондай қызметкер жауапқа тартылады. Әрі тек қатардағы тәртіп сақшылары ғана емес, лауазымды қызметтегі полицейлер де жұмыстан қуылуы ғажап емес”, деді министр.
Сондай-ақ, Ішкі Істер министрлігі мәнерлеп сырғанаушы Денис Тенді өлтірді деген күдікпен ұсталғандарға қатысты алып-қашпа сөздерге де жауап берді. Себебі бұған дейін Арман Құдайбергенов пен Нұралы Қиясовтың нағыз кінәлілер екеніне де сенімсіздікпен қараушылар көп болды. Бірақ вице-министр Рашид Жақыпов екеуінің айыбын 100 пайызға дәлелдеп беретін айғағымыз жеткілікті деп отыр.
https://kaz.365info.kz/politsejlerdin-khatysy-bar-denistin-olimine-kydikti-nyrlan-khiyasovtyn-byryngy-syjiktisi-syhbat-berdi-324753