Индонезияда жер сілкінісінен қаза тапқандар саны 1,2 мың адамнан асқан

Индонезияның Сулавеси аралында болған жер сілкінісі мен цунами салдарынан қаза тапқандар саны 1,2 мың адамнан асты.

Бұл туралы дүйсенбі күні The Straits Times басылымы Іздеу және құтқару ұлттық агенттігінің деректеріне сілтеме жасап хабарлайды.

«Құтқарушылардың айтуынша, құрбандар саны бұдан да көбейеді. Себебі зілзаланың ошағы орналасқан (магнитудасы 7,4) Дунгала ауданынан (Орталық Сулавеси провинциясы) жаңа мәліметтер түсе бастаған», – деп жазды газет.