Грузияда Ресей-Армения газ құбырын жаруға талпынғандар ұсталды
Грузия ІІМ барлау департаментінің хабарлауынша, 20 тамызда ауқымды террорлық акт жасауға талпынған жеті грузин азаматы қолға түсті. Бұл туралы Азаттық радиосының Тбилисидегі тілшісі Георгий Кобаладзе хабарлады.
ІІМ мәліметі бойынша, ұсталғандардың бесеуі құпия қоймадан жарылғыш заттар шығару кезінде қолға түскен, олар сол заттардың көмегімен Ресейден Арменияға тартылған стратегиялық газ құбырын жармақ болған.
Тағы бір адам қылмысты хабарламағаны үшін ұсталды. Жетінші күдікті – полиция қызметкері. Оған теракт жасауға көмектескен деген күдік келтірілді.
Департамент өкілінің мәлімдеуінше, ұсталғандардың бірі үнемі Украинаға барып жүрген, оның нақты кімнің тапсырмасын орындағаны әзірге белгісіз.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз