Германия қорғаныс министрі – Трампқа: “НАТО – бизнес емес”
Германияның қорғаныс министрі Урсула фон дер Ляйен жаңадан сайланған АҚШ президенті Дональд Трампты Ресейге қатысты қатаң саясат ұстануға шақырды. Бұл туралы ол бейсенбі, 10 қараша күні немістің қоғамдық-құқықтық ZDF телеарнасында мәлімдеді.
“Трамп кімнің жағында екенін анық айтуы тиіс. Заң, тәртіп және демократияны қолдай ма, әлде оған бәрібір болып, еркекше достық орнатқанды қалай ма?” – деді қорғаныс министрі. Бұған қоса, ол Путинмен әңгімелескен уақытта Қырымның аннексиялануы мәселесін, Алеппоның атқылауын да ұмытпаған жөн екенін ескертті.
Сонымен бірге фон дер Ляйен АҚШ-тың жаңадан сайланған президентін НАТО-ны бизнес деп есептемеуге шақырды. “Бұл – кәсіпорын емес. Бұл жерде өткен іс мені аса қызықтырмайды деп айта салу орынсыз болады. Мемлекетті бұлай басқармайды, бұл НАТО-ның ұстанымы емес”, – деді ол.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз