Нұр-Сұлтан
Қазір
8
Ертең
8
USD
429
+2.03
EUR
500
+3.00
RUB
5.44
-0.06

Еуро неліктен қымбаттауда және бұл қашанға дейін жалғаспақ?

Сурет: coinpost.ru

Қазақстанда еуроның танымалдығы әрқашан да доллардан төмен болған.  Осы валютаға сұраныстың артуы сирек құбылыс. Алайда, соңғы уақытта ішкі нарықта еуромен күтпеген өзгерістер болуда. Яғни, әлемдік үрдістерге толық сәйкес келеді. Шілде айында еуропалық валютаның бағасы  біршама қымбаттап, бір еуро үшін 500 теңгеге жақындады. Тамыздың екі аптасында курс 492 теңгеге дейін төмендеді. Forex-те де дәл солай болады. Шілде айында іс жүзінде тоқтаусыз өссе, тамыз айында түзету серпілісі орын алды.

 

Еуро үшін соңғы онжылдықтағы ең жақсы ай инвесторлардың көңіл-күйін айтарлықтай өзгертті. Капиталды басқарушылар еуропалық валютаның бұдан кейінгі перспективалары туралы оптимистік пікір білдірді.

https://kaz.365info.kz/khazakhstan-kedej-elderge-komek-korsetpek-khandaj-makhsatpen-zhane-ne-yshin-351288

Бұл Еуропалық Одақтың құтқару қорының ұзақ саяси сауда-саттықтан кейін «Бюджеттік келісім» жасауына байланысты. Тағы бір фактор: ЕО-ның коронавирусты бақылау және экономиканы жандандыру жөніндегі күш-жігері АҚШ-тың саясатының қасында сенімдірек болып көрінеді.

«Бұл осы немесе келесі жылы өсу немесе кез-келген циклге қатысты жасалған  болжам емес. Бұл шынымен де құрылымдық нәрсе», —деді Петерсон халықаралық Экономика институтының аға ғылыми қызметкері Николас Верон. — «Бюджеттік келісім қаржы нарықтарының еуроаймаққа деген көзқарасын айтарлықтай өзгертеді».

ЕС-тің құлдырауына қатысты қауіп жойылды

Әңгіме құны 750 млрд еуро болатын ЕО экономикасын құтқару жөніндегі шаралар пакеті туралы болып отыр. Бірлескен облигацияларды сату арқылы қаржыландырылатын құтқару қоры инвесторлардың одақтың құлдырау мүмкіндігі туралы алаңдаушылығын азайтуға көмектесті.

Еуропалық орталық банктің бағдарламалары қолдау көрсеткенімен итальяндық және неміс облигацияларының кірістілік айырмашылығы ақпаннан бастап ең төменгі деңгейді сақтады. Наурыз айының басында ол өте жоғары болды, бұл бірден бірнеше елдің блоктан шығуы туралы сөз қозғауға себеп болды.

«Бұл еуроға күшті серпін болды», — деді Morgan Stanley-де еуропалық пайыздық мөлшерлемелер стратегиясының жетекшісі Тони Смолл.

Шілдеде еуроның 4,8%-ға секіруі валютаның 2008 жылдан бері қарайғы шектен өтіп,  әлеуетін аша түсті. Сондай-ақ, бұл аналитиктерді еуроға қатысты болжамдарын  қайта қарауға итермеледі.

 

Валюта тамыз айында бір орында тұрақтап қалғанымен, CFTC мәліметтері бойынша, бағалы қағаздың бұл түрі бойынша позициялар тарихи максимумға дейін жеткен.

Доллардан басып озу

Бұл позициялар американдық валютамен салыстырғанда ерекше күшті көрінеді. Bloomberg есептеулеріне сәйкес, доллардың таза қысқа позициялары негізгі әріптестермен салыстырғанда 2012 жылдан бастап ең жоғары деңгейге дейін өсті.

АҚШ долларының индикаторы шілде айында соңғы екі жылдағы ең төменгі деңгейге  жетті. АҚШ-та вирус жұқтырған адамдардың 5 миллионнан асып кетуі бұл жағдайды шиеленістіреді. Вашингтондағы экономикалық көмек туралы заңға қатысты даулар мен алдағы президенттік сайлауға қатысты түсініксіз жағдай да теріс әсер етеді.

Бұл тәуекелдер еуроға пайдалы болды, дейді сарапшылар. Көбісі еуро аймағының экономиканың жаңаруы мен вирустың өршуі арасындағы байланысты үзе алатындығы туралы айтады. Бұл өсу болжамын арттыруға көмектесті.

Bloomberg бағалауы бойынша, Еуропадағы оқшаулау мен алғашқы құлдырау айтарлықтай болғанына қарамастан, 2021 жылы жалпы ішкі өнім 5,5%-ға өседі. Бұл АҚШ-қа қарағанда шамамен 1,5%-ға жылдамырақ.

Халықаралық Валюта Қорының мәліметтері бойынша, 1992 жылдан бері бұл тек сегіз рет орын алған.

Серіктестер жаңалықтары
Көп қаралған
© «365 Info», 2014–2020 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз