Ертең Астанада тағы да дауыл болуы мүмкін
Астана әкімдігінде қала тұрғындарына 23 мамырда бүгінгідей дауыл қайталануы мүмкін екенін ескертті.
«Қазгидромет» РМК хабарламасына сүйенсек, 23 мамыр күні елорда аумағына солтүстік-батыстан соққан желдің жылдамдығы секундына 25 метрге дейін жетеді (нормадан екі есе көп). Осыған байланысты дауылды ескерту жарияланды.
«Күндіз жаңбыр жауады, арасында қатты жел соғады. Қолайсыз табиғи жағдайларға байланысты ведомствоның мамандары қала тұрғындарын сақтық шараларын қолдануға шақырады. Қатты жел болғанда үйдің терезелері мен есіктерін қатты жабу керек. Балкон терезесі болмаса, ондағы барлық затты шығару керек. Себебі қатты жел болғанда далаға ұшып, біреуге зардабын тигізуі мүмкін», – делінген хабарламада.
Еске сала кетсек, бүгін Астанада түскі уақытта дауыл соғып, бұршақ аралас жаңбыр жауды. Бейбітшілік және келісім сарайының сыртқы фасадын ұшырып кетті. Қаладағы бірнеше нысанды құлатты.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз