Еліміздің санитарлық авиация орталығы басшысының орынбасары ұсталды (видео)
Республикалық санитариялық авиация орталығының бас директорының орынбасары парамен ұсталды.
Бұл туралы ҚР Сыбайлас жемқорлыққа қарсы іс-қимыл ұлттық бюросының баспасөз қызметі хабарлады.
“12-сәуірде 2 миллион теңге пара алу үстінде “Республикалық санитариялық авиация орталығы” шаруашылық жүргізу құқығындағы мемлекеттік кәсіпорнының бас директорының орынбасары М.Шалғынбаев ұсталды. Ол жеке әуе компанияларының басшыларынан науқастарды тасымалдау үшін мамандандырылған әуе көлігін беру бойынша қызметтер көрсетуге келісімшарттар жасасу үшін үнемі пара алып отырған, бұл қылмысқа ол қоластындағы қызметкерлерді тартқан”, – делінген хабарламада.
“Шалғынбаев жалпы алғанда Sky Service ЖШС, East Wing АҚ басшыларынан және басқалардан 130 мың АҚШ доллары сомасында аса ірі көлемде пара алған”, – делінген ҚР Сыбайлас жемқорлыққа қарсы іс-қимыл ұлттық бюросы таратқан мәліметте.
Қазір Шалғынбаев ұсталып, Астана қалалық ІІД-нің уақытша ұстау изоляторына қамалды. Соталды тергеу жалғасып жатыр.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе