Елбасы Үкімет мүшелерін тілге тиек етіп, қалжыңдады
Елбасы Үкімет мүшелерінің барлығы жаңа жылды Үкімет үйінде өткізетінін айтты.
ҚР Президенті Нұрсұлтан Назарбаев жаңажылдық қайырымдылық кеші кезінде Үкімет мүшелерін тілге тиек етіп, қалжыңдады. Бұл туралы Астана әкімінің кеңесшісі Қайсар Жұмабайұлы Facebook-тегі жеке парақшасында жазды.
„Үкіметтің барлық мүшесі Жаңа жылды Үкімет үйі ғимаратында қарсы алуды жөн көріп отыр. жаңа жылды қай жерде қарсы алсаң, сол жылды сол арада өткізесің деген наным бар емес пе?…„ деп қалжыңдады Елбасы.
Айта кетелік, Қазақстан Президенті Нұрсұлтан Назарбаев кеше Астанада Тәуелсіздік сарайында өткен жаңажылдық қайырымдылық кешінде болды. Қазақстан президенті алдағы жылғы еліміз атап өтетін ірі оқиғаларды атап өтті. Олар – Бүкіләлемдік универсиаданы қабылдау, ЭКСПО халықаралық көрмесін және Ислам ынтымақтастығы ұйымының саммитін өткізу.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе