Елбасы Хиросима қаласының „Айрықша құрметті азаматы„ атағын алды
Бүгін ҚР Президенті Нұрсұлтан Назарбаевқа Хиросима қаласының «Айрықша құрметті азаматы» атағы салтанатты жағдайда табыс етілді.
1963 жылдан бері Хиросиманың тікелей қатысуымен халықаралық ынтымақтастықты дамытуға зор үлес қосқан қаланың көрнекті шетелдік қонақтарына «Айрықша құрметті азамат» атағы беріліп келеді деп хабарлайды ҚазАқпараттың арнаулы тілшісі Хиросимадан.
Бүгінгі күнге дейін шетел мемлекеттерінің басшылары мен Үкімет басшылары бұл награданы алған емес. Бұл қала әлемге 1945 жылдың тамызында ядролық бомбалауға ұшыраған бірінші қала ретінде танымал.
Хиросимода Мемлекет басшысы 1945 жылы атом бомбасынан құрбан болғандарды еске алуға арналған Кенотафқа гүл шоғын қою рәсіміне қатысты.
Сондай-ақ, Қазақстан Президенті Бейбітшілік мемориалды музейінің экспозициясын аралап көрді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе