Елбасы билік тармақтарын қайта бөлу жөніндегі жұмыс тобымен кездесті
Нұрсұлтан Назарбаев мемлекеттік биліктің тармақтары арасында өкілеттіктерді қайта бөлу мәселелері бойынша жұмыс тобымен кездесті.
Бұл туралы ҚР Президенті телерадиокешеніне сілтеме жасап, Tengrinews.kz хабарлады.
“Бүгін біз мемлекеттік биліктің тармақтары арасында өкілеттіктерді қайта бөлу мәселелерін талқылау үшін кездесіп отырмыз. Мен бұл туралы өзімнің айтқан сөздерімде, үндеулерімде айтып жүрдім. Мен ұсынған бес институционалдық рефоманың бесіншісі – ашық үкімет. Ол үкіметке экономикалық және атқарушы функцияларды көбірек ұсына алуы керек, ал Президент мемлекеттік басқарма, тұрақтылық, конституция мен билік тармақтарын жұмыспен қамту, мемлекеттің қорғаныс қабілеті мен сыртқы саясатқа қатысты негізгі мәселелерді шешеді.
Бірақ біз бастапқыда Президентке көп өкілеттік бердік. Көп заңдарда осылай болған, яғни, 45 өкілеттік. Содан ол тағы 30 өкілеттікке толықты. Енді өкілеттікке қатысты шешім қабылдау үшін оны үкімет пен Парламентке жіберуге болады”, – деді Нұрсұлтан Назарбаев.
Президент өкілеттіктерге мысал ретінде басқарудың жаңа органдарын құру мен бағдарламаларды бекіту екенін айтып өтті.
“Мысалы, бағдарламарды бекіту, басқарудың жаңа органдарын құру және тағы да басқа. Мұндай өкілеттіктер көп. Парламенттің де рөлін жоғарылатамыз. Себебі біздің жағдайда үкімет жеңіске жеткен партия мен фракциялардан құрылады. Яғни, Президент Парламентпен кеңесе отырып, үкіметтегілерді тағайындауы қажет. Жобадағы басқа мәселерге қатысты сұрақтардың барлығы шешілді”, – деді Мемлекет басшысы.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе