«Байтерек» Ұлттық басқарушы холдингі» АҚ басқарма төрағасы Ерболат Досаев «Алматы — өмір сүруге және бизнеске қолайлы қала» 5-ші инновациялық форумы барысында Алматыда көлік инфрақұрылымын дамытып, экология мәселесін шешу қажеттігін мәлімдеді.
«Біз технологиялық жағынан артта қалғанымызды мойындаймыз. Сол үшін, бірінші кезекте, көлік инфрақұрылымын дамыту қажет. Алматы туралы айтқанда көлік және экология мәселесін айналып өтуге болмайды. Біз осы екі проблеманы қалайда шешуіміз керек. Мен өз тарапымнан барынша қолдау көрсетуге дайынмын.