“Демімізді ішке тартып, тырп ете алмай қалдық”. Димаш туралы француздар осылай деді
Димаш Құдайберген Францияның «France 2» орталық телеарнасындағы Еуропаның ең танымал бағдарламасы «Les années bonheur» кабаре шоуының құрметті қонағы болып, өнер көрсетті.
Бұл бағдарлама 6 мамыр күні Франция уақытымен 20:55-те болды. Бүгін біз осы шоуда француз телемамандарының не дегенінің аудармасын сөзбе-сөз беріп отырмыз.
Бағдарлама жүргізушісі Патрик Себастьян:
– Қазір сахнаға жас жігіт шығады, оның жасы небәрі 22-де. Ол бірнеше халықаралық байқаудың жеңімпазы, қазір ол Қытайдағы шоуға қатысып жатыр. Қазір залда Қазақстан елшілігінің адамдары отыр. Олар да оны қарсы алып, қолдау білдіргісі келген соң келді. Біз одан керемет эмоцияларды күтеміз. Бұл Michel Berger мен Luc Plamondon-ның әні. Ол Gregory Lemarchal салған әнді естіп, оны өзінше орындағысы келген екен. Ендеше тыңдап көрелік…
Тележүргізуші Димаштың орындауынан соң былай деді:
“Мен өз-өзіме әлі келе алмай отырмын.
https://kaz.365info.kz/kobisi-khytaj-khyzdary-dimashtyn-kontsertinin-biletine-sheteldikter-talasyp-zhatyr-261225
Оның аты-жөні Димаш Құдайберген! Қошеметтей беріңіздер! Көрермендердің көзінен жас байқалады, мұндай эмоция бізде ілуде бір кездеседі. Өте жақсы, білесіз бе, біз демімізді ішке тартып, тырп ете алмай қалдық. Бірнеше сөз толық айтылмай қалды, оны несіне жасырайық? Ол өлеңді фонетикалық тұрғыда әбден зерделеп, жаттағаны көрініп тұр. Бірақ залдағы көрермендерге бұл кері әсер етті деп айта алмаймын,
керісінше жүректері тарсылдап, аузындарынан шығып кете жаздап тұр.
Қазір ол жарты сағаттан соң Қазақстанға қайта ұшады. Сондықтан біз шоудың соңында оның орындауындағы әнді тағы бір рет ұсынатын боламыз. Өйткені бұл ғаламат бір дүние. Енді бізде бір проблема бар, бұл шоуды мынандай орындаудан соң қалай жалғастырамыз а?..
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе