ШҚО-да мұз үстіндегі қауіпсіздікті сақтамаған 72 адамға айыппұл салынды
Шығыс Қазақстан облысында қыс басталғалы мұз үстінде қауіпсіздік талаптарын сақтамаған 72 азамат әкімшілік жауапкершілікке тартылды. Өңірлік төтенше жағдайлар қызметінің мәліметінше, мұз айдындарындағы қауіпсіздікті бақылау күшейтілген. Қыс маусымы басталғалы құтқарушылар су айдындарында 1 500-ге жуық рейд ұйымдастырған. Тексеру нәтижесінде мұз үстіндегі қауіпсіздік ережелерін бұзған 72 дерек тіркеліп, заң аясында тиісті шара қолданылған.
Құтқарушылардың айтуынша, мұздың қалыңдығына толық көз жеткізбейінше оның үстімен жүру аса қауіпті. Жағалау маңында мұз қалың көрінгенімен, тереңдікке қарай жұқара түседі. Бұдан бөлек, ауа температурасының өзгеруіне байланысты мұздың беріктігі де әлсіреуі мүмкін. Әсіресе, күндізгі уақытта мұз таңғы және кешкі мезгілмен салыстырғанда әлсіз болады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе