Қазақстан жанар-жағармаймен өзін толық қамтамасыз етпейді. Сондықтан көлік саны өскен сайын көрші елдерден жеткізілетін жанар-жағармай көлемі де артып отыр
Бұл туралы ҚР Энергетика вице-министрі Әсет Мағауов мәлім етті.
“Біз Қазақстанда мұнай өнімдерін тұтыну көлемі айтарлықтай өсіп отырғанын байқап отырмыз, бұл жеңіл автокөліктер санының артуымен байланысты. Егер 2001 жылы 1 миллион 58 мың авто тіркелсе, 2016 жылы бұл көрсеткіш 3 миллион көліктен асып жығылды. Әрине, Қазақстанда мұнай өнімдерін тұтыну көлемі артты. Осыған орай бензин өндірісін екі есе өсірдік”, — деді Мағауов орталық коммуникациялар орталығында өткен брифингте.