“Бастық қой бұйырған”. Қарағанды облысында бұрынғы түрме бастығы сотталды (видео)

Қарағанды облысындағы АК 159/6 тәртіппен түзеу колониясының бұрынғы басшысы мен қызметкері және 6 жазасын өтеуші 7 жылдан 10 жылға дейін бас бостандықтарынан айырылды.

Бұл туралы КТК арнасы хабарлайды.

https://kaz.365info.kz/albina-shyndykhty-ajtshy-shardarova-326365

Сотталған азаматтар Валерий Чупин деген  сотталушыны азаптап өлтірді деп айыпталған. Марқұм былтыр түзеу мекемесінде аяусыз таяқ жеп, артынша ес жимастан бақилық болған еді. Сөйтсе, оны жазасын өтеушілер ағылшын тілінен сабақ беретін мұғалімді балағаттағаны үшін оңдырмай сабапты. Тергеу барысында айыпталушылар бұл тапсырманы колония қызметкері Виталий Зарецкиден алғанын жайып салған. Ал колония қызметкері сотталушыны соққыға жығуды бастық бұйырғанын жеткізіпті. Осының негізінде бұрынғы бастық Бауыржан Шотаев пен Зарецкийге 7 жыл үкім кесілді. Ал басшылардың бұйрығын орындаған 6 сотталушының бұрынғы жазаларына тағы да 8 жылдан 10 жылға дейін мерзім қосылды.