«ҚазАқпарат» халықаралық ақпарат агенттігіне жаңа басшы тағайындалды. Бұл туралы ҚР Ақпарат және коммуникациялар министрі әлеуметтік желідегі өз парақшасында жазды.
«ҚазАқпарат» ақпараттық агенттігінің ұжымымен кездесіп, жаңа басшы Әсел Төлегенованы таныстырдым. Бұған дейін агенттікті 9 жыл бойы басқарған Дәурен Диаровқа алғыс айтқым келеді. Журналисттік орта Әселді өз ісінің білгірі әрі дарынды басшы ретінде жақсы біледі.
Ол аймақтық және республикалық арналарда тілші және жаңалықтар бөлімінің шеф-редакторы болып жұмыс істеген. Tengrinews.kz ақпараттық порталдың шығарушы, сосын бас редакторы болған. Жаңа қызметте оған табыс тілеймін!
Батыл жоспарларды іске асыруына тілектеспін! Бүгінде ақпараттық ресурстар арасындағы бәсеке қызып тұр. Сол себепті бір ғасырға жуық тарихы бар «ҚазАқпарат» жаңарып, медиа кеңістікте өз орнын ойып тұрып алу қажет», – деп жазды министр Фейсбуктегі жеке парақшасында.