Танымал әнші Аша Матай өзінің жары Арман Қоңырбаевты қызғанатынын айтты.
Бұл туралы nur.kz хабарлайды.
Әншінің айтуынша, жұбайлар арасындағы қызғаныш сезімі Ашада басымдау екен. Ол Арманды қатты қызғанатынын жасырмай айтты.
Жұлдыздар арасындағы көрікті жігіттердің бірі саналатын Арман Ашаның бұл қызғанышына түсінікпен қарайтын секілді.
Себебі, Аша қазір Арманға перзент сыйлауға дайындалып жүр. Жас жұбайлар ерекше сәтінен естелік ретінде фототүсірілім де жасап, желі қолданушыларын тәнті еткен болатын.
Сондай-ақ, Аша болашақ сәбиіне бесік дайындап, бұл қуанышын оқырмандарымен бөлісті.
Дегенмен, Аша жүктілік кезеңнің оған оңай тимегенін де желі парақшасында тілге тиек еткен болатын. Тыңдармандары әншінің осы кезде түскен суреттеріне қарап, оның аяғының ісініп тұрғанына алаңдаған еді.