Нұр-Сұлтан
Қазір
3
Ертең
5
USD
427
+1.34
EUR
497
-1.07
RUB
5.53
-0.03

Ауылда арзан баспана алудың шарттары қандай болады

Оның сөзіне қарағанда, ауылды жерлерде баспана салу арзан шаруа емес. Себебі алдымен инженерлік желілерді тарту қажет. Аталған жұмыс бюджеттің есебінен атқарылады. Одан кейін тұрғын үй құрылысы бар. Соның бәріне қыруар қаржы кетеді. Ал бюджет қаражаты қайтарымды негізде берілу шарт.

«Сондықтан біз осы жағын қараймыз. Үйді ұзақ мерзімге жалға беріп, артынан жеке меншікке сатып алу құқығын енгізетін шығармыз. Бәлкім, айына 10-20 мың теңгеден төлеп тұратындай ұзақ мерзімге істейміз. Сонда қалтаға көп салмақ түспейді. Бірақ ол қайтарымды ақша болуы керек. «Тегін баспана» деген болмайды. Себебі бізде нарықтық жүйе. Қалай болса да, 3 миллионға алды ма, 5 миллионға алды ма, әйтеуір, 20-25 жылдың ішінде қайтарып беретіндей бір механизмді ойлап табуымыз қажет. Негізі, Үкімет қолдаса, депуаттар қолдап жатса, аталған бастаманы қабылдаймыз деген ойымыз бар. Өйткені оған да біраз қаржы қажет», – деп атап көрсетті М.Жайымбетов.

Айта кетейік, ҚР Инвестициялар және даму вице-министрі Қайырбек Өскенбаев ауылдарға арналған жеке тұрғын үй бағдарламасын әзірлеуді ұсынған болатын. Мәжілістегі «Нұрлы жер» тұрғын үй құрылысы бағдарламасын іске асыру барысы» тақырыбында өткен дөңгелек үстел барысында депутаттар бірінші рет үй сатып алу бойынша мемлекеттік бағдарламаның талаптары ауылдық жерлердің тұрғындары үшін жарамайтындығын айтқан болатын.

«Ауылға қатысты өте дұрыс айтып отырсыздар. Өткен жолғы отырыста да, жалпы үнемі айтып келемін ауылдарға қатысты айрықша ұстаным болуы керек. Біз ауылдық жерлердегі тұрғын үйлерге қатысты жаңа бағдарлама әзірлеуіміз керек. Үкіметтегі талқылау барысында да бұл мәселені көтергенмін. Қазір екі тетігі біршама түсінікті бола түсті. Осы айда біз оны аяқтап, одан кейін келісуге жіберетін шығармыз. Қазіргі уақытта «Нұрлы жер» және «7-20-25» аясында пайдаланып жүрген бағдарламалар ауылдық жерлер үшін жарамсыз екендігі анық», – деп атап көрсетті Қ.Өскенбаев.

Серіктестер жаңалықтары
Көп қаралған
© «365 Info», 2014–2020 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз