“Атым – Серик”. Астаналық қызтеке «Экспоға» кіре алмағанына қапалы

Серік Сағындықовтың сөзіне сенсек, оның көрмеге алған билеттері мен ақшасын астаналық такси жүргізушісі үптеп кеткен. Жынысын ауыстырған еркек полицияға шағымданғанымен, ондағылар бәленің бәрі қызтекенің өзінен деп отыр. Сөйтіп өзі күдіктіге айналып шыға келіпті. Бұл туралы КТК арнасы хабарлады.

28 жастағы трансексуал жынысын ауыстырғанымен, құжат бойынша аты жөні – Серік Сағындықов. Айтуынша, таңертең такси ұстап үйіне бармақ болған. Бірақ, қызтекені пәтеріне жеткізген жүргізуші, Серіктің бағалы заттарын тартып алып, күш көрсетіпті.

-Таксиші тартып алған әмиянда 900 доллор мен теңгедей ақша болған. Әрі «Экспо» көрмесіне сатып алынған билеттер бар еді. Ұялы телефон мен жеке куәлігімді де алып кетті, – деді Серік Сағындықов.

Ақшасы мен құжатынан айырылған трансгендер кейін 102-ге қоңырау шалып, болған жайтты айтқан. Тәртіп сақшылары таксишіні бірден ұстапты. Бірақ, артынан түк болмағандай жібере салған.

-Есіл аудандық ішкі істер бөліміне бардым. Арызымды ондағылар қабылдамай қойды. Ұрланған ақшамды бөлісіп алып, таксишіні жібере салған. Керісінше, мені ұрып соғып, қолыма кісен салып, бірнеше сағатқа қамап тастады, – деді Серік Сағындықов

Ал, телефон, құжаттың барлығы бөлімшеде қалып қойыпты. Бүгін Серік соны алуға барған. Сөйтсе, тәртіп сақшылары да қызтекені іздеп жүр екен. Өйткені, барлық дау такси жүргізушісінен емес, осы трансексуалдың кесірінен шыққан дейді полицейлер. Яғни, араққа сылқия тойған Серік көлікте ойына келгенін істеп, ішін бүлдіріп тастапты.