Атамбаев қалай байыды? Қырғыз оппозициясы президентті масқара қылмақ
«Президент Алмазбек Атамбаев өзінің байлығы туралы жиі айтады. Жақында ол Үндістанда да айтты. Ол мұншалықты байлықты қайдан алды, қалай тапты?», – деген сұрақ қойды «Ата Мекен» парламенттік фракциясының лидері Өмірбек Текебаев Бішкекте өткізген баспасөз мәслихаты кезінде.
«Атамбаев бұл байлықты құдай берді деп айтады. Бұл маған түсініксіз. Депутат Осмонбек Артыкбаевтың дәрі сатып ақша тапқанын білеміз, парламент спикері Чыныбай Турсунбеков ұн сатты, басқа депутат Омурбек Бабанов жанар-жағар май сатты. Ал Атамбаев не өндірді немесе не сатты?», – дейді саясаткер.
Саясаткер Атамбаевтың бірнеше фирмасы, мысалы «Қырғызавтомаш» секілді т.б. бұрынғы зауыттары бар екенін айтады. Ол бұл жөнінде жан-жақты ақпарат алғысы келгенін айтады. «Бірақ Атамбаевтың бұл компанияларда бірде-бір акция пакеті жоқ. «Автомашрадиаторда» да еш қатысы жоқ. Жекешелендіруге берілген жерлер мен зауыттардың барлығы баяғыда сатылып кеткен», – дейді саясаткер.
Текебаевтың сөздерінше, президенттің байлығы 2010 жылдан кейін пайда болды. Оның пікірінше, таяу уақытта Алмазбек Атамбаевтың байлығының құпиясы ашылады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе