“Ата-ана тыйып әлек, ал министрлік тез есейтіп әлек”. Оқулықта тыр жалаңаш адамның суреті неғып жүр?..

Қалай дегенмен де біз – ата-аналар балаларымызды тыйып, түрлі анайы ақпараттардан қорғап әлек болып жүрсек, министрлік, керісінше, балаларымызды тез есеюуіне „ат салысып„ бағып келеді. Естеріңізде болса, ҚР Парламенті Мәжілісінде мүшеқаптың не екенін түсіндіретін пәнді 1-сыныптан енгізу туралы ұсыныс та айтылған. Ол біразға дейін дауға ұласып, оны әрең дегенде тыйып едік.

Ал биыл Алматыда №35 гимназияда 5-6-сынып оқушыларына сексуальдық тақырыпта тест жүргізілгені анық болды. Ата-аналар шулаған соң ҚР Білім және министрлігі тексеру жүргізіп, аталған шараның заңсыз деп тауып, мектеп директоры мен биология мұғалімін жұмыстан қуған еді.  Мәселен, ол тестте „Сіз секстің қай түрін таңдайсыз„ немесе „Бір рет жанасқаннан СПИД тез жұға ма?„ деген мағынада ашықтан ашық сұрақтар талқысы ұсынылған. Ол кезде мектеп басшылығы бұл СПИД орталығының өтініші еді деп өз әрекетін түсіндіруге тырысып көрген. Ал СПИД орталығы мектептегі бұл тестке еш қатысы жоқтықтарын айтып, ат-тонын ала қашқан.