Астанада әйелінің өлі денесін сөмкеге салып тастап кеткен азамат шындығын айтты (видео)
Астанада атышулы «Шанхай» базарының маңынан табылған әйелдің мәйітіне қатысты жаңа дерек шықты. Сөмкеге салынған 26 жастағы келіншектің өлі денесін оның азаматтық некедегі күйеуі тастап кетіпті.
Бұл туралы КТК арнасы хабарлайды.
“Кешкісін осы жерден тауып алдық, адамды. Сөмкені кәуап пісіретін жігіт ашып көрген еді. Өлі адам деп қаша жөнелді. Кейін полиция шақырдық. Сөмкені солар алып кетті”, дейді куәгерлер.
https://kaz.365info.kz/mandaj-zhakhtan-kharagandyda-serzhant-tura-kazarmada-suitsid-zhasagan-video-332690
Полицейлердің айтуынша, ала сөмкенің ішінен шыққан марқұм әйел Өзбекстан азаматы болған. Ол 30 жастағы күйеуімен бірге Астанадағы жатақханалардың бірінде тұрыпты. Ал, оның өліміне сырқаты себеп болған. 26 жастағы келіншектің туберкулезден көз жұмғанын сараптама қорытындысы да растады. Бірақ азаматтық күйеуі әйелін жерлеудің орнына базарға апарып тастап, өзі із суытыпты. Түркістан облысында ұсталған азамат бұл әрекеті үшін енді жауапқа тартылмақ.
Айта кетейік, азаматтық некедегі ерлі-зайыптылардың екі жасар ұлдары бар. Қазір ол оңалту орталығында жатыр.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе